Directiva nobo di Quota International of Aruba a wordo instala

ORANJESTAD (AAN): Durante un anochi masha ameno na Renaissance Convention Center, e miembronan di Quota International of Aruba cu nan invitado nan a celebra instalacion di nan Board nobo pa 2023-2024. 

   A conta cu presencia di Minister President di Aruba Evelyn Wever-Croes y di representante di e otro service club nan. 

   Quota International of Aruba ta un club di servicio pa hendenan muher professional y doñonan di negoshi den nos comunidad. E Club ta existi desde aña 1987 na Aruba. Durante e añanan a contribui cu donacion nan monetario y tambe den forma di trabao pa comunidad. 

   Despues di ricibi nan welcome drink esnan presente por a conversa cu otro pa despues tuma asiento pa un cena. 

   Presidente saliente Luzina de Greef-Mattemaker a duna un refleccion riba e aña fiscal cu a termina. E club a reactiva su fundraising picnic dansant hopi gusta despues di dos aña y e tabata un exito rotundo y a sold out. Tambe a recorda cu durante e aña fiscal cu a termina, Quota a perde tres miembro: Luz Marina (Rina) Gonzalez, Maxima Arendsz-Croes y Farida Mansur. 

   Ademas di donacion nan monetario cu a ser haci na un montante di sesenta mil Florin April ultimo, Quota a sigui cu su proyecto nan pa e OC teenagers, hendenan cu problema di habla y oido y pa hende muher nan y mucha den necesidad. 

   E Presidente nobo Ivy Simon-Hernandez a informa cu Quota lo sigui cu su fundraising anual y tambe cu su proyecto di earplugs durante Carnaval 70. Ta Ivy su di tres vez como Presidente di Quota y el a gradeci su famia cu tabata presente pa nan apoyo den esaki. E aña aki Presidente Ivy Simon-Hernandez y su Board a bin cu un slogan pa prome bez na Papiamento “ Quota sirbiendo comunidad cu curazon”. 

Terminando Ivy kier a gradici tur esnan presente pa a comparti y celebra Quota su board installation 2023-2024.

A la vez Quota kier recorda fundacion nan cu ta desea di pidi pa un donacion cu por tuma contacto pa manda nan peticion via email na Quota su secretaria cual ta This email address is being protected from spambots. You need JavaScript enabled to view it.