Exitoso apertura di expo ‘Cambiando Bida’ na Ateliers '89  

ORANJESTAD (AAN): Na Ateliers ’89 den Dominicanessenstraat tabatin un exitoso workshop di 3D, yama Re-Move.  Tur esaki bao guia di e artista maestro Hulandes, Maze de Boer.

   Cu e titulo “Cambiando Bida”, e participantenan di e workshop a haya nan ta traha cu e concepto di kita e parti patras di e obheto cu bo a diseña y haci un obra nobo di esaki. Un aspecto diferente cerca e participante nan di e workshop aki cu mester a crea obranan nobo for di e concepto aki. Dunando nan un caminda di experimenta na un forma inespera. Kico ta e parti patras di bo idea kico e tin y con bo ta visualisa esaki.

   Pa un luna largo e artistanan participe mester a traha fuerte pa bin cu nan obranan nobo nan, di cual Diahuebs el a presenta na publico. Mustrando nan obranan nobo ta Suzanne van Spall, Aldrich Kelly, Arabella Maduro, Brice Lautric, Judith Werleman, Farley Croes, Shamika Ermaine, Bastiaan Zwiers, Nuris Lampe y Maze de Boer.

   Hunto cu e exposicion aki a presenta den un ''Special Presentation" obranan recien di nos artistanan den residencia. Di nos hermana isla nan di Caribe, for di un intercambio entre BIAC Martinique, Ateliers '89 y Caribbean Linked. Esta e artista hoben nan Shamika Ermaine di St. Maarten y Brice Lautric di Guadeloupe. Pesey bin y ta participe di esaki y duna bo aporte na nos arte contemporaneo di Aruba y su artistanan.

   Elvis Lopez di Ateliers ’89 tabata satisfecho cu publico cu a acudi na esaki.  Publico por pasa bishita e expo pa 1 luna largo di 2:00 pm te cu 6:00 pm.