Directiva nobo di Kiwanis Builders Club a wordo instala

ORANJESTAD (AAN): Riba Diabierna cu a pasa, tabatin e ‘Instalation Night’ di e directiva nobo di Kiwanis Builders Club di Colegio San Antonio MAVO.

Tambe a instala miembronan nobo di e club.

   A escoge pa e instalacion aki socede na un lugar diferente, unda a duna e studiantenan espacio pa gosa y bula poco y pasa pret.

   Nan a yama danki na e directiva saliente y ta desea nan hopi exito cu tur meta cu nan a pone nan dilanti. Nan ta spera cu e experiencia como miembro di Kiwanis a siña nan con importante servicio na comunidad ta.

   Tambe a duna palabra di exito na e Directiva nobo, pa nan tin hopi sabiduria y perseverancia y mas cu tur cos, disfruta di e etapa aki!

   Danki na miembronan di Kiwanis Palm Beach pa boso sosten continuo y tambe palabra di gradicimento na nos school advisor juffrouw van der Biezen cu ta sigui guia e club cu hopi amor y dedicacion.