Diferente hubilario a wordo honra na Aruba Ports Authority

ORANJESTAD (AAN): Recientemente na Aruba Ports Authority a organiza un ceremonia,

pa asina honra algun di e trahadornan balioso cu ta cumpliendo hopi aña trahando cu nan, demostrando asina nan dedicacion pa sigui yuda pusha APA bay dilanti.

   Asina a honra Joslyn Gil di Sleepdienst, kende a recorda e hecho cu recien el a cumpli 35 aña den servicio di APA.

   Tambe a honra Dino Yarzagaray di Loodsdienst, kende a recorda e hecho cu recien el a cumpli 35 aña den servicio di APA.

   A honra Franklin Angela di Bewakingsdienst, kende ta celebrando su di 25 aña den servicio di APA.

   A honra tambe Robert Bisslik di Sleepdienst, kende ta observando su di 15 aniversario den servicio di APA.

  Finalmente a honra Haimar Tromp di Sleepdienst, kende ta celebrando su di 15 aña den servicio di APA.

   Gerencia a gradici nan pa e trabao duro, lealtad, y e contribucionnan balioso cu nan a haci a lo largo di tur e añanan ey.  Nan a indica cu e dedicacion di nan ta loke ta pone Aruba Ports sigui bay dilanti.