Diasabra anochi lo bay tin un Jump-up na Brazil

ORANJESTAD (AAN): Informacion nobo cu DIARIO ta dispone di dje ta indica cu ‘Mens Erger Je Niet LIVE’ ta celebra su 15 Aniversario cu un Jump-Up den cu ta finaliza den Centro di Bario Brazil.

   A haya sa cu tur 64 grupo a confirma nan participacion den e wega popular aki na Aruba. Dia 22 di April ta un dia grandi pa tur cu ta bay participa den e Mens Erger Je Niet LIVE 2023 den Centro di Bario Brazil.

   E campeonato ta cuminsa cu un tremendo Jump Up pa 7:00 pm cu DJ Mikes y DJ Contacious.
   E ruta ta cortico: Ta cuminsa riba e caminda net pabou di Centro di Bario Brazil  / veld di
futbol, direccion zuid, na e T-weg Brazil #44 ta bira na man robez direccion pariba te na e T-weg pariba di SPO school, na Brazil 49 ta bira bay direccion nort te na Centro di Bario.

   Na e entrada den CBB cada grupo mester drenta mescos cu e desfile di tur aña, caminda nomber di cada grupo ta worde menciona etc.
   Tin premio pa e grupo miho uniforma y e grupo mas anima. Corda bin cu algo pa indentifica bo grupo for di leu, p.e. bandera, banner, borchi etc.  A haya tip tambe, cu lo tin un tin un grupo ta prepara pa duna tur presente un les den Dancing.