ORANJESTAD (AAN)/Kralendijk – Wereld Natuur Fonds (WWF-NL) ta desaroyando un exhibicion online interactivo cu lo demostra visualmente e historia di rifnan di coral den Caribe Hulandes.
WWF-NL ta urgi hende pa manda nan potretnan of videonan di rifnan di coral di e seis isla den Caribe Hulandes.
E exhibicion lo enfoca riba e bunitesa y biodiversidad di nos rifnan actual y di pasado, y lo ser uza pa WWF-NL crea consientisacion tocante e importancia di proteha rifnan di coral den nos region.
Un di e metanan principal cu WWF-NL ta traha na dje, ta pa preserva e rifnan di coral unico den Caribe Hulandes. Anto e proposito di e proyecto aki ta pa mustra si y con e rifnan di coral a cambia durante tempo.
Potretnan y videonan por yuda e organisacion conta e historia akí. Tur material visual ta bonbini. E por ta un imagen di ayera, òf for di tempo cu camaranan pa saca potret bou di awa a caba di ser inventa. E materialnan colecta lo ser haci disponibel pa trabounan di conservacion den futuro via un archivo online. Pa mas informacion di e proyecto por subi e website www.fdutchcaribbean.org.
Description di potret: potret bou di awa captura na 1955
Foto credit: Willem van de Poll, Nationaal Archief / Fotocollectie van de Poll
