Diasabra 3476 turista for di Merca a yega Aruba

ORANJESTAD (AAN):  Segun un publicacion di Minister di Turismo Dangui Oduber, Aruba a ricibi Diasabra 3476 turista for di Merca. Merca ta Aruba su mercado principal na e momentonan aki.

"Nos recuperacion ta sigui den bon rumbo. Tur siman nos ta keda traha duro pa mantene e ritmo aki pa nos por recupera nos turismo 100%", asina Minister Oduber a expresa.

Poco poco ta mira con mas y mas hende ta dicidiendo di bay na e normalidad nobo. Esaki pa e motibo cu Covid-19 a bin pa keda y e lo bira un malesa endemico mescos cu griep.

Esaki ta nifica cu door di vacuna y di sigui cumpli cu e protocolnan, keda usa tapaboca, etc, e comunidad mundial lo bay drenta den un fase di normalisacion caminda lo por viaha mas y haci mas actividadnan cu a keda limita door di e pandemia.

Mientrastanto, mester custumbra, vacuna, y cumpli cu e medidanan vigente.