ORANJESTAD (AAN): Manera DIARIO a publica, recien DVG a laga cera La Salle College na Playa pa henter siman.
Directiva a splica cu motibo di esaki ta cu e Departamento di Salubridad Publico DVG a stipula cu un gran parti di e personal di scol tin di drenta cuarentena preventivo.
Nan a pidi mayor- y alumnonan pa durante cu scol ta cera, pa a bishita e plataformanan di Facebook, Google Classroom, y email di scol frecuentemente. Pa motibo cu alumnonan por ricibi diferente informacion importante via e plataformanan aki.
Algo cu directiva di La Salle College MAVO a tene hopi na cuenta cune, ta cu e periodo di Examen 2020-2021 ta den porta. E periodo di examen ta cuminza Dialuna 17 di Mei 2021, y siman pasa un peticion special nan a manda na e examenkandidaten pa haci bon uso di e tempo aki pa prepara pa e periodo di Examen Final.
Segun cabezante I. Davelaar, awe Dialuna 10 di Mei 2021, tur alumno mester ta na scol bek.
