Dialuna awor lo cera parti di caminda pa asina pone vangrail

Area di Jan Fleming

ORANJESTAD (AAN): Automobilistanan cu ta core riba e caminda di Santa Cruz pa Kibaima, tin di tene cuenta cu cambionan den dia riba e ruta aki.

   DOW a confirma na DIARIO, cu entrante Dialuna 28 di augustus 2023 cuminsando pa 6’or di mainta te 2’or di atardi, lo sigui cu e trabaonan di fase 2 di pone vangrails.

  E biaha aki lo cera e caminda di Jan Fleming pa motibo cu a observa cu riba e pida caminda ey, ta casi tur automobilista ta pasa cu velosidad mucho halto, y ta peligroso pa e trahadornan

   DIARIO a compronde cu e trabao akinan lo tin un duracion di 3 siman. Ruta di desviacion lo keda indica cu borchi y baricada di aviso, pues ta bon pa chauffeurnan tene cuenta.