E peliger di tormenta no ta yobida so cu ta resultado di un dinamismo
*Franklin a ocasiona morto den e horor cu ta nace for di biento
*Sistema nobo ta drenta region di Caribe for di Oceano Pacifico
ORANJESTAD (AAN) — Dia 27 di Juni 2023, dos luna pasa, Fondo Monetario Internacional a splica e realidad cu region di Caribe, ta e region mas expone na desaster natural.
E enfasis cu DIARIO ta pone riba condicionnan di tempo pues no ta pa crea miedo pero pa adverti contra productor di dolor, morto, destruccion di paisnan cu te awe no por recupera na e estado anterior.
Un ehempel di esaki sigur ta e pais Sint Maarten cu a wordo destrui dor di horcan Luis na 1995 y te awe ta biba cu e resultadonan hasta di cas cu a keda sin dak!
E siman aki a habri nos pues ocupa cu uno di e labornan mas sagrado den periodismo, cu ta vigilancia di peligernan cu por destrui un comunidad.
Di kico nos ta papia, ta bini dilanti den cifra di perdida di por lo menos dos bida humano y destruccion di propiedad dor di naturalesa dor di tormenta tropical Franklin, cu a duna prueba di e peliger cu ta sigui existi te ora e sistema pasa y aleha su mes for di e region.
Ora papia di sisteme tropical, no por para keto na yobida, cu ta resultado di e dinamismo.
Yobida ta wordo produci den e pasashi di e sistema, cu ta un disturbio di biento, cu ta bira destructor.
Ningun hende por a programa e ruta di Franklin, cu mescos cu tur sistema natural, ta defende nan mes pa nan por sigui crece.
Aruba a wordo paralisa dor di tormenta tropical Franklin, cu a causa peliger pa e mucha cu mester a bay school pa despues bolbe cas na man di mayornan cu no semper tin transportacion. Hende cu mester a subi caya den situacion peligroso.
Tormenta tropical tabata un peliger riba tur tereno no solamente pa e strena y lamper cu el a produci.
DIARIO ta conoci cu casonan di personanan cu a logra haya vuelo for di Aruba. Tin un cantidad di ciudadano di Aruba cu a sufri pa motibo di e tormenta tropical, cu a duna prueba di peliger di tormenta pa henter region di Caribe.
Un disturbio tropical, un ola tropical, ta un area di presion abou y for di e ruta di Africa ta yega e continente Americano den e region Atlantico normalmente.
Despues cu cinco sistema a uni den Atlantico e siman aki, ayera for di Pacifico un sistema a drenta Golfo di Mexico ariba su ruta pa Merca.
Pues ayera atrobe algo cu no ta un realidad di tur dia, a presenta na e parti pabou di region di Caribe, alarma di tormenta por wordo bati manera e ilustracion ta mustra.
E sistema aki pues lo no ta importante segun informacionnan te awor pa Aruba manera e ilustracion ta mustra pero si ta duna prueba, cu tur cos por pasa den e temporada 2023 y cambio di clima.
Pa DIARIO lo sigui informa Aruba, cu ta tuma nota di loke ta pasa cu otro pais cu a wordo azota tambe pa Franklin.
Informacion di Republica Dominicana y di Haiti ta papia di situacionnan dramatico y di por lo menos dos morto registra te cu ayera tardi.
Ora papia di un tormenta tropical no ta papia pues di yobida, pero di un disturbio serio cu ta nace den biento.
Kico e ta exactamente por comprende ora habri un wasmachine. Cu velocidad enorme ta mira e dinamismo cu ta pone cu paña ta cuminsa gira cu un velocidad asina halto cu e ta peliger directo pa hende.
E peligro forma pa e sistema di “centrifuge” ta loke ta presente den e horcan cu ta haya forsa den e bueltanan cu e ta dal y den su dinamismo ta produci nubianan di awecero, di strena y lamper pero bientonan di velocidad enorme cu ta destrui tur loke ta den nan caminda.
Pa determina kico ta un disturbio, e momento cu el a bira ola tropical, despues tormenta y finalmente horcan di diferente dimension di peliger, ta e velocidad di su bientonan y su presion ta sigui baha. Mas abou e presion, mas fuerte e horcan.
Aruba ta den un temporada 2023, cu mester a percura pa poco actividad pero ya na Augustus a entrega Aruba un tormenta riba su cabez cu tur loke esaki a nifica.
E sensacion di calor na Aruba ta wordo provoca dor di e presion di aire y e dinamismo actual pero sistemanan alarmante no ta presente.
DIARIO lo sigui informa Aruba debidamente riba tur desaroyo durante temporada 2023, cu a drenta historia como e aña cu hasta National Hurricane Center di Merca mester a cambia su pronostico y aumenta e cantidad di disturbionan cu por spera, manera DIARIO a anuncia!
