Diabierna a habri celebrando 100 aña di Aviacion na Aruba

Minister Dangui Oduber

ORANJESTAD (AAN) - Diabierna mainta minister Oduber como e minister encarga cu aeropuerto tabata presenta na e comienso di e celebracion di 100  aña di aviacion na Aruba.

            E mainta aki tabata pa inaugura un monumento cu ta pa recorda e dia aki. Durante e ceremonia e yiu di artista Arubano sr. Gilbert Senchi, Athena Senchi, a haci entrega di un avion miniatura cu ta un replica di e promer avion cu a ateriza na Aruba na aña 1923.

            Aviacion ta awendia un industria importante pa Aruba. Door di aviacion, horizontenan a habri pa y ta danki na e conectividad di aviacion tin un turismo asina exitoso.

            Pabien Aruba y masha danki na tur persona cu a duna nan contribucion na aviacion y nos turismo durante e ultimo 100 añanan. Danki na tur cu a traha y ta trahando den aviacion. Paso ta danki na e esfuerzonan aki nos turismo ta asina exitoso.