ORANJESTAD (AAN): Diasabra awor 19 di augustus lo ta dia di Batacaso Tipico den Centro di Bario Brazil.
Esaki cuminsando pa 6.30 pm na unda cu tur e gruponan cu a participa den cantica di caya lo presenta nan cantica na unda cu tur hende por gosa di e tremendo canticanan cu lo subi caya dia 1 di September pa Parada cu Lanterna y dia 3 di September pa e grandioso parada Folklore Cultural cu ta conta riba 1.000 persona.
E gruponan cu lo toca e anochi ta Tipico Pegasaya cu nan 45 aña di existencia, tambe Caha di Orgel di Matelda Paskel, Grupo di Tambu Luis Maduro hunto cu Sonido di Antaño.
Tambe lo tin Alma Folklorico, y Tipico un Brindis. Sigur bo no por perde e anochi aki, ya cu bar y cushina lo ta bon surti.
