Dia di Museo na Muchila Creativo tabata un exito y a atrae publico varia

ORANJESTAD (AAN):  Dia di Museo 2025 na Muchila Creativo a resulta den un experencia inspira y interactivo pa bishitante di tur edad.

Dia 18 di mei, Violet Centrum a recibi mas o ménos 200 participante entusiasma cu a forma parti di tayer, presentacion di studiante y a haya un oportunidad pa descubri e programa educativo y creativo.

            E evento a atrae un publico varia, incluyendo mayornan di e studiantenan, bishitante curioso cu a sera conoci cu Muchila Creativo pa prome biaha, y otro hende cu a bin specialmente pa participa cu e Museum Challenge. Algun bishitante a keda mas largo, completamente involucrando den e tayer, mientras cu otro a prefera un ruta di exploracion pa descubri e posibilidadnan cu Muchila Creativo ta ofrece. Ademas, Violet Center, un centro innovativo, a logra inspira y captura e bishitantenan.

            Dia di Museo a demostra cu educacion inclusivo y creativo ta un herment potente pa uni hende. E reaccionnan entusiasma di bishitante a resalta e impacto di e tayer y e presentacionnan di e studiantenan, cu tanto artistico como contenido a laga un impresion profundo.

            Pa medio di e variedad di actividadnan y e accesibilidad facil, un publico amplio a wordo alcansa y inspira.

            Muchila Creativo ta mira bek riba un dia exitoso y ta sigui compromete su mes cu proyecto educativo, innovativo, sostenibel y inclusivo. Cu un evento manera Dia di Museo, e ta sigui fortalece e poder creativo y e diversidad cultural di e comunidad.