ORANJESTAD (AAN): Un celebracion special a ser teni den fenomemal Renaissance Conference Center, ora cu Grupo Curazon di Savaneta a bay festeha Dia di Mama.
Nan a haci esaki algun dia despues di e fecha mes, pasobra a dicidi na festeha e di 90 cumpleaño tambe di nan miembro, esta señora Efi Tromp. Nan tur a canta Happy Birthday pe.
E ambiente musical tabata den man di Robert Thiel y su Grupo. E lider di Grupo Curazon di Savaneta, esta Jasenta Thijsen tabata sumamente feliz con bon e dia a bay. Na e ocasion aki nan a eligi tambe e Mama Di Aña di e grupo. Esaki a bira Maria Lelia Figaroa.
Durante e actividad a honra tambe e Mama mas grandi di Grupo Curazon di Savaneta, esta Frida Thijsen. E tin 91 aña di edad.
Riba combinacion di potret por mira mas di mainta exitoso aki pa Grupo Curazon di Savaneta.
https://diario.aw/categories/noticia/general/di-e-forma-aki-grupo-curazon-di-savaneta-a-festeha-dia-di-mama#sigProIdf0a895ff31
