Di 11-12-2024 te 21-01-2026 DIMP  tin un total di 33.602 citanan di plachi number

Meverly Romano, PR DIMP:

*Nan a parti caba 80.005 plachi

ORANJESTAD (AAN)—Siguiendo cu e proyecto MRB (Motorrijtuigbelasting Betalen), señora Meverly Romano, Relacionista Publico di Departamento di Impuesto, a señala cu nan a atende diferente grupo meta, y e gruponan mas importante tabata e personanan priva, e companianan, e pensionadonan.

“Nos a atende departamentonan di gobierno, y tambe personanan cu registro nobo di vehiculo di motor. Esaki ta personanan cu a cumpra un auto, sea di segunda mano of nobo, nan tabata tin mester di un plachi nobo, y e registronan nobo aki tambe nos a atende na caminda, durante tur e ultimo lunanan aki y nos ta continua asina tambe”, señora Romano a comenta.

El a agrega cu, cu e sistema online na comienzo, DIMP a haya reclamo di algun persona no por, pero basicamente e ta un sistema basta simple. E sistema di cita a wordo hinca den otro specialmente pa DIMP por a structura e partimento di plachinan, y asina parti e plachinan aki na un forma mas eficiente posibel, y cada hende den e grupo, cada persona priva, pensionado, companianan tur, cada un mester a haci nan cita pa nan por a busca nan plachi number y nos a haci excepcion cu esnan cu no mester a haci un cita, cual ta e personanan cu a caba di cumpra un auto y nan mester a haya un plachi number mesora.

Pues, e personanan ey no tabata rekeri di haci un cita, y tampoco e personanan cu tin un plachi di nomber, pues un plachi personaliza, no mester a haci cita, nan por a pasa na DIMAS busca nan plachi.

CIFRANAN:

Señora Romano a señala cu e cifranan ta papia pa nan mes. Desde cu nan a cuminza, kiermen desde cu nan a habri nan agenda dia 11 di December 2024, y te cu 21 di Januari 2626 nan tin citanan registra, cu ta en total 33.602 cita cu automobilistanan local a haci. Esaki ta un cantidad grandi. E cantidad total di plachi cu DIMP a parti den e periodo te 31 di Augustus ta 84.005 plachi.