Desde Diamars pa Diabierna lo cera e pida caminda dilanti El Gaucho

ORANJESTAD (AAN): E trabaonan pa embeyece Columbusstraat tin di bay cruza awor Wilhelminastraat.

   Pa e motibo ey, entrante mañan Diamars 19 di September 2023, for di 9:00 am, te cu Diabierna 22 di September 2023 pa 5:00 pm, lo bay cera un parti di Wilhelminastraat pa trafico, pa asina por coba e caminda y pasa tubo di drenahe.

   DOW a indica, cu e trabaonan aki riba Wilhelminastraat lo dura 4 dia.

   Nan lo cera e pida caminda net banda di Universal Restaurant, pues esey nifica cu ya for di El Gaucho e caminda lo ta cera.

   Tambe den Irenestraat, lo cera e caminda prome cu bo yega e park di Gerrit Rietveld, pues banda di Wilhelmina Restaurant.  Aki bo ta obliga di drenta Caya Ernesto Harms y bay pabao pasa banda di Lagoen.

   Bo por drenta Wilhelminastraat bek si bo yega di pabao riba Van Walbeeckstraat.  E pida tereno habri (di e  edificio basha abao poco tempo pasa net pariba di Mario’s Sportshop, lo wordo habri un rato pa trafico por drenta di eynan bek pa Wilhelminastraat bay pabao.