ORANJESTAD (AAN): E conocido Derrel Lampe kende den pasado tabata Mr. Supranational Aruba, y tambe Mr. Model International 2021
, a acudi na e ciudad di Bredene na Belgica pa e concurso di Best Male Model of the Universe.
Diferente pais a participa na e competencia aki, y loke a resalta ta e bon preparacion cu Derrel a ricibi. Pesey mes, ademas di e titulo principal, el a bay tambe cu premio como ‘Mr. Friendship’, tambe ‘Mr. Best National Costume’, y e titulo di ‘Mr. Runway Fashion’.
Pero e titulo principal e bin na final di e evento, ora cu el a bay cu e galardon di ‘Best Male Model of the Universe 2022’. El a haya un corona y tambe un trofeo, y aki ta unda cu el a subi escenario cu su bandera di Aruba pa mustra con orguyoso e ta.
DIARIO a compronde cu un grupo di amigo a acompañ’e te na Belgica pa asina sostene den e evento aki.
Pa e motibo aki, DIARIO ta felicita Derrel Lampe cu e merecido titulo aki.
https://diario.aw/categories/noticia/general/derrel-lampe-di-aruba-escogi-como-best-male-model-of-the-universe-2022#sigProId851a2c7abb
