Workshop suministra pa Idea tabata bon atendi

ORANJESTAD (AAN): Diamars ultimo, 6 september, IDEA (Iniciativa pa Desaroyo pa Empresa Arubano)

conhuntamente cu Departamento di Impuesto (DIMP) a organiza y presenta e workshop di: ‘Time for Taxes’.

   E oradora di (DIMP) tabata señora Johrainne Giron cu a presenta e siguiente topiconan:  (*) Inkomstenbelasting / Winstbelasting.  (*) BBO/BAVP/BAZV. (*) Loonbelasting y primanan social.  (*) Verzamelloonstaat y Verzamelstaat opgaaf derden.  (*) KOR.  (*) A duna splicacion tocante e website di DIMP, ‘Bo Impuesto’. Y na final a contesta tur preguntanan.

   Un total di 45 persona a atende e workshop aki. IDEA ta sumamente contento cu e acogida di e workshop y e bon comentarionan ricibi di su participantenan.

   Tur IDEA su workshopnan ta gratis y ta dedica na SME’s (Small & Medium Enterprises) y na tur cu kier cuminsa un negoshi y cu kier educa nan mes riba diferente topico comercial. 

   Un danki na tur e participantenan y un danki special na señora Luenne Pieters (directora DIMP), cu a brinda nos e oportunidad pa e workshop aki y un danki na señora Johrainne Giron kende tabata sa con pa comparti su experticio cu tur presente.

   IDEA ta gradici tur colega di Departamento di Asunto Economico, Comercio y Industria (DAECI) cu a yuda na un of otro manera.