Departamento di Aviacion Civil tambe presente na Aruba Aviation Expo 2023

ORANJESTAD (AAN): Pa por a celebra e etapa historico aki di 100 aña di aviacion, Aruba Airport Authority hunto cu Gobierno, Departamento di Aviacion Civil,

Aruba Tourism Authority, Gobierno, y ANSA NV, a organiza un asina yama ‘Aruba Aviation Expo 2023’ riba Diadomingo.

   Esaki tabata na e terminal di Aeropuerto Priva di e isla, unda profesionalnan y amantenan di aviacion, spotters, y mas a acudi pa asina haya sa mas di e desaroyo di aviacion.

   Departamento di Aviacion Civil a presenta cu un un bunita coleccion di avionnan miniatura cu bo ta show riba cashi of mesa di oficina, y esaki riba su mes a dunabo un showcase di varios avionnan cu a yega di ateriza na Aruba.

   Mayoria di esnan cu DIARIO a papia cu nan, a indica cu nan bishita na e Expo aki tabata uno fenomenal, specialmente pa nan yiunan cu a bin mira tur loke tin di haber cu avion.  Nan ta sinti cu awor nan yiunan tur tin gana di bay bira piloto.