Den cuadro di celebracion di 65 aniversario di Cas di Cultura lo presenta un tremendo show pa mucha

ORANJESTAD (AAN) – Lotte van der Heuval, “Projectleider Programmering en Educatie Show” pa mucha, den Cas di Cultura Aruba,

den conferencia di prensa a anuncia, cu den cuadro di e celebracion di e di 65 aniversario di Cas di Cultura, ta organizando un evento pa mucha, cual e ta hopi contento di promove.

            E evento aki  lo tuma lugar na October proximo, e dianan 28 y 29, na Cas di Cultura, den colaboracion cu Easy Party Solutions. Pa di tres biaha caba nan ta organiza evento cu tin e caracter faborito riba stage, manera baile, actuacion, etc. E aña aki nan ta enfoca hopi riba mucha, y Lotte ta hopi contento di por invita e comunidad un biaha mas, pa un presentacion asina espectacular.

El a bisa cu e carchinan ta na un prijs basta accesibel pa e publico.

            Di parti di Easy Party Solutions, Imelda Geerman, promotor di e evento, el a trece dilanti cu nan ta traha hunto cu Cas di Cultura, pa trece mas actividad pa muchanan, pa nan por wak mas di e costumes, y enberdad dia 28 y 29 di October proximo ta bay tin un show cu, entre otro, Micky cu Mimi, y su amigonan, entre otro.

            Ademas ta bay tin gruponan di baile, por ehemplo “Orguyo y Talento” entre otronan. Ta bay tin dos dia so di show pasobra Cas di Cultura ta hopi ocupa. E ta invita tur mayor pa trece nan yiunan, pa nan disfruta di e presentacion cu ta bay ta hopi leuk.