Dama herida den accident fuerte registra na Catiri

ORANJESTAD (AAN): Diadomingo anochi banda di 8:30 pm, Central di Polis a dirigi unidad di Noord cu urgencia riba caminda di Tanki Leendert pa Kudawecha, como cu tin un accident na e birada di Catiri.

   E prome unidad di Polis cu a yega, a bin haya mey-mey di caminda un vehiculo Hyundai Santa Fe color scur, y pabao un tiki den mondi un auto Kia Rio color blanco.

   Segun informacion, e Hyundai Santa Fe tabata coriendo ta bayendo nort, posiblemente a slip y kita bay na su man robes debi cu e caminda tabata muha y asina a dal e Kia Rio.  E Kia a finalisa den pida mondi, net pariba di e adres Catiri 57.

   Den e accidente un dama a resulta herida, y pesey a pidi pa presencia di Ambulans. Caminda a worde cera ambos banda.

   Paramediconan cu a yega a mesora a bay atende cu e dama y asina transport'e pa Hospitaal. Polis di trafico den casonan unda tin hende herida a presenta tambe.