Curacao a despedi di Boy Dap

ORANJESTAD (AAN): E gran musico di Curacao, Anselmus Theodoor Dap, mihor conoci como ‘Boy Dap’, a fayece cu 88 aña di edad, y riba Diadomingo na un forma cu tur honor el a wordo hiba pa su ultimo lugar di sosiego.

   Boy Dap a bira grandi no djis na Curacao, sino tambe na Aruba unda tur su Tumbanan grandi a bira gran hit.  En total el a haya e corona di Rey di Tumba na 10 ocasion.  E prome tabata na 1971, sigui pa 1973, 1974, y tambe 1979.

   Boy Dap a bira Rey di Tumba tambe na 1981, 1983, 1985, 1989, 1992, y ultimo biaha tabata na 1997.

   Tur hende ta di acuerdo cu Boy Dap a bira un baluarte di Carnaval na Curacao y el a ricibi su homenahe na bida, y awor na su entiero, el a haya e homenahe cu e merece tambe.

   Cu un stoet largo pasando riba ruta di Marcha di Carnaval, nan a hiba e restonan mortal di Boy pa su ultimo lugar di sosiego, y ta masha hopi hende a aglomera a lo largo di e ruta pa despedi di e gran musico.

   Despues a sigui cu un momento grandi di homenahe na Plaza Brion pa Santana Betania, unda a pone den su graf.