Cuatro miembro eligi pa forma parti di directiva di AVB

ORANJESTAD (AAN): E siman aki por a nota cu 22 club local di futbol a acudi na e reunion general di Arubaanse Voetbal Bond (AVB), cu nan a tene den auditorio na Colegio EPI.

   Den e reunion aki, a duna chens na e miembronan pa haci uso di nan derecho pa vota pa 4 puesto habri den e directiva di AVP pa e siguiente periodo.

   Den e votamento, a escoge Jomar Boekhoudt cu 30 voto, Devin de Veer cu 26 voto, Raymbert Bikker cu 24 voto, y Mildred Wever cu 21 voto.   Wever ta uno cu a wordo re-eligi.  Pero e otro tresnan ta totalmente nobo den directiva.

   Riba e potret por mira d.r.p.d. Raymbert Bikker, Mildred Wever, Jomar Boekhoudt, y Devin de Veer.