Cuatro empleado local a ricibi premio halto di Hilton Worldwide

ORANJESTAD (AAN): Bon noticia pa Hilton Aruba!  Nan a haya sa cu 4 miembro di nan team di ‘Commercial Services’ a ricibi premio halto di reconocemento di Hilton Worldwide. 

Nan a gana e asina yama “Circle of Excellence y Summit Award”.

   Circle Of Excellence ta representa e top di logro den sales den e red di Hilton. Ganadonan ta selecta anualmente basa riba trabao individual cu ta cumpli cu criteria di e premiacion y su metanan.

   Esnan cu a wordo honra ta Jennifer Bolstad (Commercial Director of the Year), Lisa Dammerman (Circle of Excellence Individual Sales Excellence Award 2021), Margo Esposito (Circle of Excellence Individual Sales Excellence Award 2021), y Jeanine Gilchrist (Individual Sales Excellence).

   Jennifer Bolstad: El a briya riba tur otro nominadonan den categoria Commercial Director di aña, kende ta e motor tras di e strategia comercial di e resort, aña tras di aña pa e ultimo cinco aña. Liderando e team comercial, incluyendo Sales & Marketing, Revenue, Reservations & Catering. Jennifer a hunga un rol hopi grandi den loke ta e exito y recuperacion rapido di e resort door di temponan malo y bon den demanda, despues di pandemia. E ta un contribuyente grandi den e exito comercial di e propiedad, treciendo solucionnan inovativo, como tambe bon strategianan cu ta beneficia ambos cliente y organizacion, mientras empoderando su team y compartiendo conocemento.

    Jeanine Gilchrist: El a expande su strategianan na 2021, desaroyando y liderando e lucrativo y importante negoshi directo di travel agent. El a pone e prome trip pa luxury agents desde cu e pandemia a cuminsa y agents tabata contento cu esaki experienciando hotels & destinacionnan atrobe. Cu mas di 20 aña di experiencia, Jeanine ta un experto den establece relacionnan personal cu clientenan cu demandanan halto, brindando servicio personalisa y amabel pa cada individuo.
   Como nominado den Sales, Catering & Events Criteria, Jeanine a sobrepasa e set di metanan di bookings anual anto a worde evalua hunto cu su puntonan mas fuerte den areanan di su portfolio, manera new account growth, customer relationship skills y mas.
   Lisa Dammerman: El a bay cu e reconocemento di mas halto den logro di sales den henter e network di Hilton, el a demostra su fortalesa como Hilton’s Award Winning Bridal Specialist pa 13 aña prome cu el a worde promovi pa Resort Experience Manager na 2022. Ora ta trata na boda, Lisa ta e reina.

   Su nomber y reputacion den e mercado di boda ta excepcional, cual a haci cu el a yega na gana e reconocemento di WeddingWire Couples Choice Award pa tres aña consecutivo. Guests ta busca informacion tocante bodanan, basa na Lisa su reputacion, service delivery y atencion na detaye. Lisa ta mustra di tin un compromiso hopi extraordinario den yuda parehanan logra un dia di casamento perfecto y personalisa.

    Como ganado di Circle of Excellence, Lisa a worde selecta a base di trabao individual den cuadro cu criteria di premiacion y su metanan individual. El a sobresali den crea balor pa clientenan di e resort, y asina tambe eleva su capacidad, mientras liderando market share dominante den su areanan respectivo.

   Margo Esposito: E ta representa e balornan di Hilton mientras contribuyendo na exito comercial di su resorts. Cu mas di 20 aña di experiencia, el a pusha relacionnan fuerte den industria y travel account den un forma consistente, kendando semper na top di Hilton partnerships.

   Margo ta un experto den loke ta yena buraconan den ocupacion por medio di activa su account portfolio pa trece volumen den periodonan necesario, segurando oportunidadnan clave den mercado. Como nominado den Sales, Catering & Events General Criteria, Margo tambe a sobresali den su metanan anual den un forma significante. El a worde evalua pa su forsanan den areanan relevante similar na Gilchrist.

   General Manager Vasco Baselli a declara cu p’e, ta un honor pa por ta trahando hunto cu un team asina decorativo, treciendo hunto un grupo di coleganan fantastico, dedica y determina pa haci tur posibel pa traha pa e Hotel na Aruba.