Coreccion riba prome president di Mustang Club Aruba

ORANJESTAD (AAN): Recien a tuma lugar na Aruba, e di 2ndo anual Roland Thijsen Memorial Ride.

   E evento a wordo organiza pa Mustang Club Aruba, y e Memorial Ride aki ta dedica na nan ex-president Roland Thijsen.

   Pa ekibocacion, DIARIO a nota cu e Memorial Ride ta dedica na Roland Thijsen cu tabata e prome president di Mustang Club Aruba.

   Sinembargo, awor ta corda cu e prome president di Mustang Club Aruba tabata Eric de Cuba.  Despues di Eric de Cuba a sigui cu Greg Croeze.

   Roland Thijsen berdad tabata president, pero e no tabata e prome.  Un disculpa pa e eror aki.

   Pa resto di aña tin varios actividad planea, incluyendo esun grandi cu lo ta e Car Show cu ta relaciona cu e di 25 aña di existencia di Mustang Club Aruba.  Esey lo ta durante luna di Augustus venidero.  E lo bay combina cu kizas 3 dia di actividad, y lo bay busca invitados di exterior pa ta presente.