Conservacion colectivo ta amplia sosten pa Shoco na scolnan

ORANJESTAD (AAN): Diasabra pasa, JOIA Aruba by Iberostar, Bucuti & Tara Beach Resort, y Aruba Marriott Resort a uni forsa cu Aruba Birdlife Conservation (ABC)

pa instala dos buraconan artificial (neishi di Shoco) na International School of Aruba, un paso importante den e esfuerso colectivo pa crea consienticacion tocante e importancia di proteha e simbolo Nacional stima di Aruba.

  Dia mei 10, 2025, International School of Aruba a bira e prome school educativo cu ta instala dos buraconan artificial (neishi di Shoco) riba nan tereno di school. E ocacion aki a wordo marca cu participacion di voluntarionan, mayornan y studiantenan, huntu cu representante nan di tur cuater organisacion cu a firma e acuerdo:

  Ta trata di Aruba Birdlife Conservation cu su fundado y Presidente Greg Peterson, tambe JOIA Aruba by Iberostar cu su General Manager Arnaud Le Lanchon, Bucuti & Tara Beach Resort cu nan Chief Corporate Officer Creci Biemans, y Aruba Marriott Resort Surf Club & Ocean Club cu nan General Manager Raoul Lemmerling.

   Tambe presente pa celebra e momento importante aki tabata Jareth Vermeulen, responsabel pa Sustainable Alliances na Aruba na Iberostar, Kim Donker di International School of Aruba y Dr. Kelly Kramer, Directora di International School of Aruba, cu a tene un rol vital den e realisacion di e iniciativa.

   E iniciativa aki ta un vision comparti pa inclui hobennan Arubiano den esfuersonan di conservacion for di un edad tempran. Pa integra habitat di Shoco den school nan, e alianza ta spera pa stimula un forma di responsabilidad, respeto, y conecion cu e bida silvestre di Aruba. E meta no ta solamente pa proteha e populacion di Shoco, sino tambe pa incorpora stewardshap ambiental den e futuro generacion.

   Apenas dos siman (26 di April), e cuater organisacionnan aki a formalisa nan compromiso cu proteccion di e icono di Aruba, e shoco, door di firma un acuerdo di conservacion di comunidad di sosten di shoco. A oficialisa e aliansa aki durante un evento significante den presencia di e docentenan, e studiantenan, e colaboradornan dedica di cada organisacion y e representantenan clave di e liderazgo di e hotel, subrayando mas aleu e aspecto educativo y comunitario fuerte di e iniciativa. E meta di e acuerdo ta pa crea un conscientisacion mas profundo di e importancia di proteha e shoco door di pone buraconan artificial diseña specialmente na e scolnan rond di Aruba.

   Mirando pa futuro, e aliansa ta spera di traha di acerca cu mas scol rond di e isla pa expande e programa aki, dunando sosten educativo y guia pa implementa mas neishi artificial di shoco. Hunto, e partnernan ta invita e institucionnan formalmente, e organisacionnan y miembronan adicional di e sector di turismo pa join e esfuerso aki (construyendo un red di conscientisacion di conservacion cu ta proteha e herencia natural di Aruba). E colaboracion aki ta refleha e compromiso comparti di tur cuater organisacion pa conservacion basa riba comunidad y desaroyo sostenibel riba e isla.