Conocido musico Edwin Kock a fayece den fin di siman

ORANJESTAD (AAN): Un persona conoci pa su amor pa musico, ya cu e mes ta musico y tambe a fungi como docente pa e materia aki, a fayece den fin di siman.

   Ta trata aki di Franciscus Edwin Kock, naci na Aruba dia 10 di December 1951 pues tin 74 aña di edad.  E ta conoci pa tur hende como ‘Edwin’.

   Pa cortesia di Stan Dabian, a haya sa cu Edwin tabata un gran musico, tabata un tempo docente musico di Scol di Musica Rufo Wever, e ta tambe guitarista, y a traha den pasado na Instituto di Cultura Aruba, y tambe Departamento di Cultura Aruba.  E tabata ademas activo den deporte di Boxeo, y tabatin pasion pa fotografia.

   Hunto cu su casa Mayra Kock-Garrido, el a dirigi e coro Arts Nova pa hopi a؜ña tambe.

   Den fin di siman el a fayece na Hulanda.  Palabranan di condolencia na su famia, amistadnan, y ex-coleganan.  Forza na e momentonan aki.