Con arte y creatividad por beneficia un mucha su desaroyo

Fundacion Pa Nos Muchanan:

Arte no ta djis un actividad dibertido, e ta actividad cu ta hunga un rol importante den e desaroyo di un mucha. Participando den actividadnan creativo manera pinta, verf  y obra di man ta yuda muchanan desaroya habilidad nan esencial di bida, di soluciona problema te na expresa nan propio emocion. Door di integra arte den nan rutinanan diario, mayor y educador nan por stimula e imaginacion di un mucha, encurasha nan, y sostene e desaroyo cognitivo.

Dicon Arte ta Importante pa e desaroyo di mucha?

Actividad nan artistico tin ​​diferente beneficio pa mucha nan chikito. Cuminsando for di mehora nan motorico fini te na mehora na inteligencia emocional (emotional intellagence), arte ta encurasha cresemento den diferente area:

• Ta stimula nan fijne motorieken – Actividadnan manera pinta, corta y crea figura cu klei ta yuda fortalece musculo nan di man y mehora coordinacion.
• Encurasha expresion emocional – Arte ta duna ​​un espacio sigur pa muchanan por expresa nan sintimento y reduci stres y ansiedad.
• Mehora creatividad y Imaginacion – Door di experimenta cu diferente material y tecnica ta stimula pensamento creativo.
• Construi habilidadnan social – Projecto nan di arte den grupo ta siña muchanan pa traha den team, pa comunica y comparti.

Laga nos explora con arte ta contribui na e desaroyo di un mucha y descubri algun tips practico pa encurasha creatividad.

Aki tin algun manera simpel pa integra arte den nan bida diario:

• Brinda material nan di arte – Ofrece krijt, stift, lijm, materialnan recicla, y laga mucha nan explora.
• Haci arte un parti di nan rutina – Pone tempo un banda pa actividadnan di arte (mescos cu lesamento of wega nan cu ta wordo hunga pafo).
• Encurasha expresion propio – Laga mucha nan crea arte libremente sin enfoca riba perfeccion. Cada dibuho of artesania ta unico!
• Uza naturalesa pa inspiracion – Colecta blachi mata, flor y piedra di pafo pa crea projecto nan di arte.
• Demonstra nan obra di arte – Mustra aprecio pa nan creatividad door di colga nan obra di arte na cas of den klas.

Aki tin algun actividad di arte dibertido y apropia pa diferente edad pa purba na cas of den klas:

• Peuterschool (1-3 aña): Pinta ku dede, hunga ku klei, pinta cu krijt grandi pafor.
• Kleuterschool (3-5 aña): Arte cu prikpen, arte di crêpepapier cu lijm.
• Basis school (6+ aña): Pintamento cu verf door di haci uzo di cuashi of dede nan, obra di man.

Pa conclui, arte ta mas cu un actividad dibertido; e ta importante pa e desaroyo di un mucha. Door di integra arte den nan bida diario, mucha nan por mehora nan creatividad, exprecion emocional, y habilidadnan social. Mayor y educador nan por yuda door di ofrece material, crea oportunidadnan creativo, y mustra aprecio pa nan trabou. Door di promove arte y creatividad, tur muchanan lo haya e chens pa florece den tur aspecto di su bida.

Pa mas information y pregunta, por tuma contacto cu Fundacion Pa Nos Muchanan – Cumana 2