ORANJESTAD (AAN): Algo cu a cuminza como un reunion casual, a finaliza cu un evento hopi divertido y interesante!
Esey ta loke a pasa recien cu un reunion di Kiwanis Club of Aruba.
Nan ta manda awor un danki inmenso na Elsa Krozendijk, cu a organiza un anochi fenomenal, inolvidabel, y dibertido di Seso Sport.
E tabata un competencia fuerte entre tres team, cu a sa di cada rato bay dilanti. E teamnan di ‘Smartinis’, ‘Waltaka’, y ‘Nos ta Special’ a demostra cu nan sa basta. Pero na final ta e team di ‘Nos ta Special’ a bay cu e titulo di ganador.
E tabata un anochi yen di harimento, sudor, y pesey nan ta contento cu e esfuerzo di Elsa pa haci e evento aki asina special. Y awor hopi hende ta puntrando rond: Ki ora 2 geel ta bira 1 cora?
