Companianan Hulandes a presenta nan producto y servicio den Experience the Netherlands 2

Minister Xiomara Maduro

ORANJESTAD (AAN): Recientemente riba invitacion di e Embahador di Reino Hulandes na Colombia, sr. Ernst Noorman, Minister Xiomara Maduro tabata presente na e evento 'Experience the Netherlands 2' na Colombia.

   Durante e evento aki companianan Hulandes a presenta nan producto y servicio na e comunidad mercantil di Colombia. Tabata interesante pa mira e toke di inovacion cu tur compania a trece dilanti.

   Minister Maduro a haci uso di e oportunidad pa combersa un rato cu varios compania di Colombia cu ya caba ta haci negoshi na Aruba. E mandatario a gradici nan pa e confiansa y a extende e invitacion pa mas compania explora e oportunidadnan cu 'Aruba, La Isla Feliz del Reino Holandes' ta ofrece pa haci negoshi.