ORANJESTAD (AAN): Biblioteca Nacional Aruba ta presenta e di tres parti di su exposicion ‘Primary colors’.
E biaha aki e color cora ta domina den e coleccion di obra. Esaki ta un exposicion di un grupo di Artesano, Artista y fotografonan.
DIARIO a compronde cu e ta tuma lugar den biblioteca su Sala di Exposicion for di dia 12 di oktober te cu dia 3 di november. Esaki ta habri henter dia pa publico pa 3 siman largo y entrada ta gratis.
E grupo ta presenta diferente obra den color primario, cora. E coleccion di obra ta diverso den tipo di obra, tin cuadra, potret, arte digital, obra di mozaiek y scultura. E grupo di artista ta trece hunto un coleccion diferente, cada uno cu nan mes estilo autentico. Apertura ta diaranson awor dia 12 di oktober di 5or pa 7or. Un y tur ta bon bini!
Riba Line-up tin obra di Ad Rekkers, Adolfo Valbuena, Ana Luidens-Albornoz, Ann Angela, Carmen Tujeehut, Esther Jones, Gina Jie-Sam-Foek, Gwen Jie-Sam-Foek, Ilse Knijn, Janine Flanegin, Joshua Valbuena, Kat Uribe, Nimia Geerman, Paul Wong, Peter van den Heuvel, Reinier van Sisseren., Robby Solognier, Love4Art Studio: Brigitte Boekhoudt, Diana Hopman-Betjes, Dina Leggers, Genevieve Wientjes, Marianne Beijderwellen, Roelie Groenewegen y Sandra Slabbekoorn-Wijngaarde.
