ORANJESTAD (AAN): Den transcurso di siman Minister Endy Croes a reuni cu Aruba Motorsports Foundation.
Presente na e reunion tabata presidente, sr. Joy Werleman y miembro di directiva, sr. Richard Every unda a dialoga riba e proyecto di luz pa Palo Marga.
Ministerio di Deporte a inverti den e luznan LED cu a yega Aruba na comienso di luna y worde mester instala. Minister Endy Croes a indica cu e deseo ta pa cuminsa cu ehecucion di e proyecto prome cu fin di aña.
Ministerio di Deporte ta bay carga cierto di e inversion pa asina Palo Marga por haya su LED luznan ultra moderno, cu segun expertonan ta duna claridad na e salida, mey-mey y final di pista. Segun Ministro, e ta sigui traha pa deporte na bienestar di nos pais.
