Colegio San Antonio MAVO a logra tin 81 porciento di graduado

ORANJESTAD (AAN): Den oranan di atardi, multitud di alumno, docente, mayornan, famia y amigonan a reuni

riba plenchi di Colegio San Antonio MAVO na Santa Cruz, pa asina despues di algun siman di angustia, por haya sa kende a gradua.

    Esaki a bay den un forma hopi unico, caminda cu usando surfplank miniatura cu nombernan imprimi riba dje, asina tabata divulga uno-pa-uno e nombernan di e studiantenan cu a gradua pa prome tanda.

   Director Gershwin Lee a splica cu e tabata un aña cu hopi reto pa e alumnonan den klas di examen.  Colegio San Antonio MAVO a ricibi un klas acerca pa examen.  E aña escolar a start cu 120 alumno den examenklas, pero finalmente 117 so a haci examen.

   Na final, 94 alumno a gradua den prome tanda, y esey ta igual cu 81 porciento.  Segun Lee, tin 16 alumno ainda cu por bay haci Her-Examen y logra slaag ainda den segundo tanda.

   Director di Scol ta manda gradidi tur docente, su team, e mentornan pa e dedicacion y esfuerzo.

   DIARIO ta felicita fotografo Hubert Tiel tambe, cu graduacion di su nieta stima.