Colegio Arubano VWO a obtene 53% den prome tanda di graduado

ORANJESTAD (AAN): Den oranan di atardi, un grupo grandi di mayor, alumno, docente, amigonan a reuni

riba tereno di Colegio Arubano na Vondellaan pa asina ta testigo ora cu ta divulga resultado di prome tanda di Examen pa HAVO y tambe VWO.

   E alegria ora cu e listanan di tanto HAVO y tambe VWO a baha, tabata duna indicacion cu e alumnonan a haci nan best durante ultimo añanan pa a logra esaki den e prome tanda.

   Rector Tim Croes tambe tabata contento.  El a splica cu e aña aki, e grupo di graduado di VWO tabata mas chikito.  El a splica cu apenas 60 alumno tabata den examenklas pa aña escolar 2023-2024.

   Algun alumno a cay afo prome cu examen a start.  Y di esaki, un total di 32% a gradua den prome tanda.  Esaki ta igual cu 53% di examenkandidaten.

   Croes a bisa cu e resultado aki di VWO ta tiki abao compara cu aña pasa.  Pero e tin confiansa cu mas alumno ainda por gradua, si nan logra obtene mihor punto den Her-Examen cu ta na caminda pa di segundo tanda.

   Na final tabatin animacion di Massive Brassband tambe pa trece tur hende den extra ambiente.

===