Resultado My Guardian Group Walk & Run 2024

ORANJESTAD (AAN):   Celebrando su di 120 aniversario, diadomingo, 9 di juni pa 6:00 AM, Guardian Group a zona e fluit na su oficina,

marcando comienso di e di 10 edicion di My Guardian Group Walk & Run Aruba.

            Despues di varios luna di dedicacion y preparacion e momento tan spera a yega caminda mas di 1800 participante, grandi y chikito, a bay e XMile yen di determinacion pa completa e walk and run di 10km y 6 km cu a cuminsa y caba na oficina di Guardian Group. 

Resultado competencia

            Cu un tempo di 00:35:45, e prome coredor masculino, Christiaan Jansen, a crusa e finish line. Sigui pa Kevin Sousa (00:36:59) y Jesus Galea (00:37:09). E prome coredor femenino, Lana Gobert, a yega final cu un tempo di 00:40:44. Sigui pa Jouraima Koolman-Ras (00:45:45) y Ginny Tromp (00:47:54).

            Den e categoria 6KM cu un tempo di 00:19:30, e prome coredor  masculino, Christian Pereira, a crusa e finish line. Sigui pa Dylan Giel  (00:20:53) y Ruliano Bernabela  (00:21:14). E prome coredor femenino, Rebecca Jansen, a yega final cu un tempo di 00:23:40. Sigui pa Pauline Vackier (00:24:20) y Emma Gobert (00:24:36).

            E ganadornan absoluto di e My Guardian Group Walk & Run Aruba 2024, Lana Gobert, Christiaan Jansen, Rebecca Jansen y Christian Pereira lo bai representa Aruba na e proximo My Guardian Group Walk & Run na Curaçao cu lo tuma lugar dia 27 di october 2024. 

Donacion

            Guardian Group Fatum ta pone hopi importancia riba su responsabilidad social. Den cuadro di esaki tur aña parti di e fondonan recauda cu e My Guardian Group Walk & Run ta bay pa donacion. E aña aki e compania di seguro a scoge pa sostena Beyond Sports Limit Foundation como tambe Centro di Bario Lago Heights. Asina Guardian Group Fatum ta yuda promove, sostene y contribui na nos hoben nan cu ta e  futuro di nos comunidad.