Colegio Felipe B. Tromp a haya parkinglot completamente asfalta

ORANJESTAD (AAN): Por a nota cu e trabaonan di asfaltamento a keda cla na Montaña na Noord.

No djis e barionan cu tin patras di e Compleho Deportivo Frans Figaroa, pero tambe e pida parkinglot cu tin dilanti Colegio Felipe B. Tromp hunto cu Agnes Kleuterschool.

   DOW a haci marcacion linea di biaha den oranan di anochi riba e parkinglot, pa asina ora Colegio Felipe B Tromp habri tur cos tabata cla.  Tambe a conecta e pida parkinglot aki cu e caminda cu semper tabata pasa net cerca di e scol bay zuid, pa subi e caminda di asfalt nobo cu a wordo traha patras di Compleho Deportivo Frans Figaroa.

   DOW ta pidi danki na e habitantenan pa e cooperacion brinda.