ORANJESTAD (AAN): Ateliers '89 ta sumamente contento pa habri su workshop nan di fin di aña cu e artista maestra Victoria Hoogstoël.
Un artista cu un trayectoria impresionante pa ta e siguiente maestra pa e workshop di Graphic Design na Ateliers '89. E workshop aki ta mescos cu tur nos workshop nan pa un luna y lo cuminsa Dialuna 28 di Augustus y lo termina cu un exposicion di e obranan traha pa e participante nan durante e workshop, dia 21 di September.
Victoria ta un artista maestra multi diciplinario cu un trayectoria impactante. Ta pa esey mes e workshop lo no ta nada menos interesante ya cu lo hiba esaki den multiple direc cion segun cada paraticipante por. Corda cu e workshop nan ta pa tur cu ta interesa y edad ta di 12 aña pariba. Pa inscribi por manda un email na This email address is being protected from spambots. You need JavaScript enabled to view it. y no perde e oportunidad unico aki y inscribi mas pronto possible.
Durante e tayer aki lo concentra riba experimenta cu diferente conceptonan basico di diseño grafico manera: tipografía, composicion, comunicacion, cos imprimi, etc. Door di colecciona, conta storia y pinta e tayer aki lo acerca cu cada paso di e proceso creativo e diseño grafico. Cada encuentro ta dirigi riba tareanan rapido unda lo haci uzo di diferente tecnica, media y material.
E ta ofrece e participante nan un bista general di historia di diseño grafico pa asina nan por cera conoci cu terminologia di diseño grafico. E meta principal lo ta pa traha un Abecedariums ilustrativo (esaki ta visualizacion cu ta consisti di letter di un alfabet). Na final di e proceso nan ta traha hunto na un exposicion cu e experimento nan cu nos a haci durante e siman nan.
Victoria Hoogstoёl a nace na Paris na 1996, y a gradua prome grado como diseñado grafico na na 2017 y muda pa Japon pa un aña. El a ripara cu e tabata profundamente conmovi door di e conceptonan estetico Japones y e idioma. Ora el a bay back Francia, el a concentra riba su trabao di traha strip (comics), mientras tanto e tabata traha cu diseña propaganda. Un aña despues el a sigui su estudio diseño tipografico y contamento di storia cerca VAV-moving image na Gerrit Rietveld Academie na Amsterdam.
