Maria College MAVO a conoce 63% di graduado den prome tanda

ORANJESTAD (AAN): Un alegria enorme tabata reina riba tereno di Maria College MAVO na Playa,

ora cu a haci anuncio di e lista di graduadonan pa e recien examen.

   Na Maria College, e porcentahe di graduado a yega na 63 porciento

   E cantidad di alumno cu tabata den Examenklas tabata 121 studiante, y esnan cu a gradua den prome tanda, a yega na 76 studiante.

   Esnan cu no a logra, por bay haci her-examen cu e meta pa trata na logra haya suficiente punto pa gradua toch e aña aki.  Hasta esnan cu a gradua caba, por haci her-examen pa drecha 1 of mas punto di nan vaknan.  Manera por mira aki, tabatin momento di euforia na Maria College MAVO.