COA hopi contento cu partnership cu ATA ya ta desea pa e bira di termino largo

ORANJESTAD (AAN):  Comité Olimpico Arubano (COA) ta hopi contento cu e partnership cu e tin cu Aruba Tourism Authority (ATA).

Esaki Wanda Broeksema di COA a bisa durante un conferencia di prensa teni na firmamento di e acuerdo pa 2023.

“For di comienzo caba nos a vocifera cu no ta trata aki di un plan di 1 aña, sino un partnership cu mester ta sostenible, unda cu bo ta wak resultado tambe”.

COA ta hopi contento cu e aña a cuminza na un manera fantastico pa nos, segun Broeksema, kende a indica cu e bishita di Thomas Bach, presidente di Comite Olimpico Internacional, a yuda hopi pasobra bo ta wak e trabaonan cu COA ta haciendo pa comunidad y e atletanan.

El a splica cu ta hopi importante pa COA pa por sigui bay na e proximo nivel.

“Pesey partnerships cu organizacionnan manera ATA ta sumamente importante, mientras cu eventonan manera nos Business Event di dos siman pasa tambe ta esencial”.

Nos ta hopi contento cu e sosten cu nos ta haya di ATA, pa nos sigui bay tambe den direccion di pone Aruba bira un destinacion di deporte , segun Broeksema.