Celebracion Dia di Himno y Bandera na Paseo Herencia

ORANJESTAD (AAN): Diasabra ultimo a tuma lugar un gran celebracion cultural en conexion cu nos dia nacional di Himno y Bandera na Paseo Herencia cu musica, baile y ofertanan special di diferente tienda y restaurantnan na Paseo Herencia.

            Den e plaza di Paseo Herencia por a presencia musica cultural riba Caha di Orgel y tambe un show cultural presenta dor di grupo di baile ‘Gucci Dancers’ cu diferente baile tradicional manera wals, mazurka y baile di cinta.

            Alaves tabata tin competencia di Tambu entre nos publico. E conocido cantante hoben Jonathan Croes a presenta su cancion pa asina cera e anochi festivo riba escenario na Paseo Herencia.

            Muchanan por a disfruta di diferente actividadnan manera face painting, carousel y competencia di pintura na Aruba Artist Gallery. Tambe por a disfruta di e 360 camara di Insta Photobooth Aruba cu vestuarionan folklorico.

            E celebracion a continua cu diferente ofertanan di dollar pa florin.

            Paseo Herencia ta gradici tur esnan cu a bin celebra nos dia nacional di Himno y Bandera. Por bishita Paseo Herencia su Facebook page pa mira mas di e evento cu a tuma lugar.