Clarina Thiel a gana e auto nobo danki na Fun Domino di Fun Miles

ORANJESTAD (AAN): Recien durante un atardi special na Toyota Aruba na Camacuri,

representantenan di Fun Miles a prepara pa haci entrega di premio na e ganadornan di nan recien campaña di ‘Fun Domino’.

   Maestro di ceremonia Chris Strick a introduci Wouter de Leeuw, kende ta CEO di Fun Miles, pa asina a cuminsa oficialmente e atardi.  Riba dia 1 di Februari e sorteo pa e campaña aki a tuma lugar, bou di supervision di Notario Tromp di New Leaf.

Den e ultimo lunanan comunidad di Aruba completo a participa cu Fun Domino unda por a gana premionan instantaneo cu e wega online 'Spin the Wheel'. Pa por a cualifica pa gana a premio grandi cu ta e Toyota Raize di Toyota Aruba bo mester a colecta piedranan di domino pa e borchi di wega. E campaña aki sigur a crea un locura pa cera e 10 piedranan. Fuera di esey el a crea momentonan pa famia y amistadnan bin hunto y pasa un dushi tempo cu otro.

   Despues a cuminsa entrega premio hunto cu Mirla Passchier, Area Manager di Fun Miles.  E ganador di bunita renchi di diamanta Tanzanite di Diamonds International, a bay pa Nathaniel Atkins.

  E premio di 5.000 Florin di giftcard di Kooyman, a bay pa Elaine Riley.  E premio di 5.000 Florin gift voucher di APEX a bay pa Omar Muyale.

   E premio di 100.000 Fun Miles di CMB Bank, a bay pa Ailyn Pontilius, kende a gana e premio fabuloso aki. Ilan Lopez di CMB Bank a haci entrega di e suma astronomico aki!

  E premio grandi cu ta e Toyota Raize di Toyota Aruba, cu un 1 aña di aseguro di Ennia y 500 Florin na gasolin di Fun Miles, a bay pa Clarina Thiel.

   Clarina Thiel a gana e auto Toyota Raize, cu aseguro full paga pa un aña y 500 Florin na gasolin.  A haci entrega di premio, Joylene de Nobrega di Toyota Aruba, y Zulaika Briezen di Ennia.