ORANJESTAD (AAN): Den fin di siman, Departamento di Obranan Publico a tene un encuentro pa tur su personal.
E asina yama “Personeelsbijeenkomst 2024” ta destina pa duna tur empleado, informacion tocante e proyectonan di DOW pa aña 2024.
E mainta akinan a habri cu palabranan di bon bini di Director Marlon Croes, y tambe palabra di tur Hefe di cada Departamento. Asina nan a splica loke tur ta e proyectonan di e aña aki riba e isla. Un poco di e temanan cu a ser menciona tabata e.o. e automatisacion y digitalisacion den DOW. Tambe a papia di lo upgrade e website, pa asina bin cu e proceso pa haci bo peticion di bouwvergunning online.
Tambe lo tin upgrading di proyectonan manera parkinglot pa Casibari Rock Formations, Eagle Beach cu su embeyecimento fase 3, Malmok Boardwalk fase 3.
DOW ta bay riba e proyectonan Infrastructural di reconstruccion di e brug na Julianastraat y e brug na Wilhelminastraat.
Lo renoba e caminda di Irausquin Boulevard dilanti Highrise Hotelnan, y e Fase 1 lo start na April 2024.
Tambe pa e aña aki, lo bin bek cu rotonde banda di Peanuts Restaurant na Playa, y lo bay construi un rotonde tambe na cruzada di Van Leeuwenhoekstraat y Caya Ing. Roland Lacle, esta eliminando e luz di trafico cu tin banda di Plaza Juan Pablo Duarte.
E mainta a bay den bon direccion y nos empleadonan a keda contento cu tur e informacion suministra.
