Ceremonia special di instalacion pa asina Aruba a haya dos Hues nobo

ORANJESTAD (AAN): Siman pasa a tuma lugar na Renaissance Convention Center na Playa, un sesion di instalacion di Corte Comun di Husticia,

di dos Hues cu ta mr. Petrus Pijnenburg y mr. Jojanneke Brandt.  Tambe a duna presentacion di e Procurador General di Aruba, esta mr. Amalin Flanegin.  Tambe a hiba palabra, decano di Abogadonan na Aruba, esta mr. Grasita Griffith.

   Tabata presente Gobernador, Prome Ministro, y demas Ministro y President di Parlamento.  Tabatey tambe Procurador General di Curaçao, St. Maarten, Bonaire, St. Eustatius y Saba, esta mr. Schoop.

   E anfitrion tabata President di Corte Comun di Husticia, mr. Maurits de Kort, kende a dirigi palabra y despues sigui pa Griffier cu a lesa e Decretonan Real cu ta apunta mr. Pijnenburg, mr. Brandt, y mr. Flanegin, y asina oficialmente nan a ser instala.

   Aruba pues a haya 2 Hues nobo, y mr. de Kort a introduci cada uno, relatando un poco di nan Curiculo di estudio, y di caracteristicanan nota den nan trabao den e sistema hudicial.

   Na final di esaki, invitadonan a haya chens di felicita e dos Hueznan nobo, y PG di Aruba cu oficialmente a wordo instala, y despues a sigui un brindis.