Clarice Holsman di Aruba presente na Groomania na Belgica

Campeonato mundial di dog grooming

ORANJESTAD (AAN): Recientemente a tuma lugar un campeonato mundial di dog grooming na Waregem Belgica cu yama Groomania. “World team championships”.

   Aruba su talentoso Master groomer Clarice Holman tabata e invitada especial di e revista Hulandes “Groomers Europe” como nan columnista internacional. Un debut hopi special pa Clarice. El a conoce su fans y lesadornan di su columna. El a hasta haya bishita di celebridadnan di Merca, e.o. Gabriel Feitosa y Logan Rago cu a bin mustra nan sosten y admiracion pa con Clarice ta inspira y educa e gremio a traves di su columna den e revista. 

   Clarice a wordo entrevista publicamente durante e evento y tabata hopi special pa scucha Aruba su nomber resona 2 biaha den e compleho enorme na Waregem. 

   Un total di 27 pais a participa na Groomania. E ultimo dia cada pais a bataya contra otro pa gana e titulo maximo di World team Champions. Na 1e lugar a sali Canada, 2o lugar a bay pa USA, 3er lugar Italia, di 4 lugar pa Francia, di 5 lugar pa Inglatera y di 6 lugar Spaña. 

   Un logro mas pa Clarice Holman cu semper a sa di posiciona Aruba “front row and center” internacionalmente den mundo di dog grooming. Pabien Clarice Holman, pabien Fluffy Paws Exclusive y pabien Aruba.