Chens unico pa alumnonan di scol basico bay check kico tin den MAVO

ORANJESTAD (AAN): Dirigentenan creativo y positivo di Abraham de Veerschool MAVO na San Nicolas,

a manda invitacion pa algun alumnonan cu ta den Klas 6 di Scolnan Basico, pa nan acudi pa asina bay sigui algun les den nivel MAVO na nan scol.

   Esaki a socede Diabierna siman pasa, y tabata den e formato di ‘Open Dag’.  Mainta a cuminsa cu cantamento di himno, y suministro di informacion di ki tipo di les por bay haya e dia ey.

   Algun por a bay haya les di e.o. ‘Informatiekunde’, y a admira e espacio cu computernan unda ta duna les.  Tambe tin algun cu a bay sigui les di ASW, cu ta ‘Algemene Sociale Wetenschappen’.

   DIARIO ta manda felicita Abraham de Veerschool MAVO cu e iniciativa aki, pasobra bo ta duna e muchanan aki di Scol Basico, un ‘preview’ di con lesnan lo bay ta den futuro pa nan si acaso nan sigui e direccion di MAVO.