ORANJESTAD (AAN): E ta algo cu ta birando popular na Aruba, esta cu diripiente bo ta haya un ‘Pop-up Bar’, of un ‘Pop-up Restaurant’.
Pero ta popular tambe e ‘Pop-up Market’ cu Santa Rosa ta bin cune de vez en cuando. Y a bin haya sa cu nan ta cla pa e prome pa aña 2025 aki.
Santa Rosa kier tene nan prome Pop-up Market di e aña aki riba Diasabra 1 di Februari 2025. Pesey mes, tur cunukero, criado, of piscado interesa por participa, y ta ser recomenda pa di awor caba nan yama Carola of Randy na 585-8102 pa asina bo ta den.
E Pop-up Market lo ta dia 1 di Februari 2025 for di 8:00 am te cu 11:00 am. Unda bo ta haci bo compras comodamente na Santa Rosa cu productonan local y fresco.
