ORANJESTAD (AAN): Soroptimist International Club Aruba (SICA) a organiza diasabra 31 di october un charla informativo bou di e tema “Het Verdrag van Istanbul – De Architectuur van Bescherming”.
E actividad, cu a tuma luga na Educampus, tabata enfoca riba e importancia di prevencion, legislacion y colaboracion entre diferente instancia pa fortalece proteccion contra violencia dirigi na hende muhe y mucha muhe den nos comunidad.
E charla a conta cu participacion di Mr. Drs. Michella van Loon como keynote speaker, kende a trata e Convenio di Istanbul, un tratado internacional cu ta enfoca riba prevencion y combatimento di violencia contra hende muhe y violencia domestico.
Durante e encuentro, atencion a bay pa importancia di un sistema di proteccion efectivo, den cua legislacion, prevencion, colaboracion multidisciplinario y responsabilidad comparti ta desempeña un papel fundamental. E tema ta particularmente relevante pa representantenan di e cadena husticial, incluyendo Ministerio di Husticia, Ministerio Publico, Polis, Poder Hudicial, Correctional Services y otro instancianan envolvi den proteccion di personanan vulnerabel.
Cu e iniciativa aki, SICA ta fortalece conscientisacion tocante violencia basa riba genero y stimula colaboracion entre organizacionnan, institucionnan y comunidad. E organizacion ta enfatisa cu proteccion efectivo no por depende di un solo instancia, sino ta rekeri compro
Invitacion pa conoce Soroptimist: Soroptimist International Club Aruba ta invita tur hende muhe cu tin interes di conoce e organizacion miho of cu ta considera di bira miembro, pa participa na un encuentro special diasabra 7 di november 2026, di 10:00 pa 11:30 di mainta na Educampus.
Durante e encuentro, participantenan por conoce e mision di Soroptimist, su proyectonan y miembronan, y descubri con nan por contribui na comunidad. Como parti di un red internacional di hende muhe, SICA ta promove educacion, empoderamento, amistad y servicio na comunidad.
E invitacion ta habri pa hende muhe cu kier comparti ideanan, crea conexionnan significativo y contribui na un futuro miho pa Aruba.
