Ceremonia historico di graduacion na Xavier University School of Nursing

Un etapa nobo pa Aruba

• Studiantenan di Aruba a haya nan Bachelor of Science 

ORANJESTAD (AAN): Recientemente Xavier University a celebra un etapa significante cu e graduacion di e klas inaugural di studiantenan pa Bachelor of Science den Nursing (BSN).  E ceremonia cu a tuma lugar na e Universidad mes, a marca e finalisacion di un viahe cu a cuminsa na 2020 pa e studiantenan aki, di cual nan tur ta residencia na Aruba.

   E evento pionero aki ta specialmente notabel ya cu e Xavier University Nursing School ta e unico institucion di enfermeria na e isla cu ta ofrece un programa di BSN.  E programa a wordo oficialmente reconoci pa Ministerio di Enseñansa na Aruba, y ta aparece den e lista acredita di school di AruBIG, cu ta garantiza cu e graduadonan ta eligibel pa traha y haci e trabao di enfermero na Aruba.

   Varios orador distingui a dirigi palabra na e graduadonan, ofreciendo na palabra di sabiduria y inspiracion.  Ministro di Enseñanza Endy Creos a duna un discurso keynote, y aki a gradici Xavier University cu nan ta sostene comunidad local y duna nan educacion di enfermero di calidad halto, hunto cu entrenamento.  El a sigura e Universidad, cu Gobierno di Aruba lo extende su sosten pa iniciativanan similar cu ta promove salud y educacion pa e Universidad, y su placer inmenso pa e rol cu e Universidad ta desplega den e sector di salud y educacion.

   President di Xavier University, esta Ravi Bhooplapur a anima e graduadonan pa sigui nan pasion y dedica nan mes na cuido di pashentnan cu compasion y dignidad.  Despues di entrega e titulonan na graduadonan, President Bhooplapur tambe a anuncia cu Xavier lo bay ofrece educacion y training gratis pa e programa di Asistente Geriatrico na comunidad local e aña aki, pa sostene Gobierno den su iniciativa pa promove cuido di adultonan mayor na Aruba.

   Dr. Israel Posner, ex-Ministro di Salud di Aruba y miembro di e Conseho di Administracion di Xavier, tambe a ofrece su palabranan di sabiduria y encurasha e klas cu a gradua.  Decano Bonnie McGowan a trece algun reflexion profundo.  E importancia di e influencia di Florence Nightingale riba e profesion di enfermeronan a wordo enfatisa y a ofrece palabranan di curashi na e graduadonan awor cu nan ta bay cuminsa nan carera den salubridad.

   Den presencia di famia, amigo, y profesornan, e recien graduadonan a ricibi cu orguyo nan pin di enfermero, cu ta un simbolo di nan logro y compromiso cu e profesion di nurse.  E ceremonia tabata yena cu momentonan di celebracion, reconocemento, y felicitacionnan, destacando e briyante futuro cu e profesionalnan pionero di salud.

   E mihor studiante (Class Valedictorian), Marie Nicole Henriquez a wordo honra cu un certificado di reconocimento, y despues a hiba algun palabra tambe.

   Awor cu nan ta sigi padilanti, e graduadonan di e Bachelor of Science Nursing Program di Xavier University, ta cla pa sirbi nan comunidad, ekipa cu e habilidad y conocemento necesario pa por tin impacto significativo den e salud publico na Aruba.