Ceque College ta orguyoso cu 90 porciento a gradua den prome tanda

ORANJESTAD (AAN): Siman pasa na Ceque College MAVO na Hato,

tabatin e momento cu a divulga kende ta e alumnonan di examenklas cu a logra slaag den prome tanda.

   Y e biaha aki, e develo a wordo haci na un forma diferente.  Di tur e alumnonan a traha un bitmoji di anime di nan cara.  Y esey a wordo imprimi riba un canvas grandi, y esaki a wordo habri pa asina tur alumno y nan mayornan por mira kende a logra slaag.

   Robert Figaroa, kende ta Director Interino di Ceque College MAVO a splica cu nan resultado ta hopi bon, esta cu a logra 90%.  Esey ta un resultado bon, den e epoca aki unda tin hopi distraccion pa e alumnonan.  Toch Ceque College a logra un porcentahe halto asina.

   Segun Figaroa, e ta convenci cu e logro aki a bin door di e team dinamico di docentenan na e scol cu ta duna hopi di nan banda, tambe tin biaha cu tiki zundramento estilo di pasado, ta duna e alumnonan un empuhe fuerte.  Tambe nan ta contento cu e cooperacion di mayornan cu a sigui apoya e alumnonan pa keda pusha bay dilanti.

   Alumnonan cu ta bay haci her-examen, lo por yuda e porcentahe di resultado aki subi atrobe mas aun.