Centro Famia Piedra Plat cu su proyecto nobo ‘Pasadia pa Adulto Mayor’

ORANJESTAD (AAN): For di luna di October 2025 a cuminsa cu un soft opening como un pilot program pa e Pasadia pa Adulto Mayor den famia.

Den un estrecho cooperacion cu departamento di ouderenzaken Aruba, FCFPP a cuminsa cu e Proyecto aki.

   Recientemente esta dia 12 di februari ultimo minister Mervin Wyatt Ras di asuntonan social y adulto mayor a haci e apertura oficial di e bunita Proyecto aki na FCFPP. 

  Awor ta asina leuw cu ta cuminsa cu 2 lokalidad pa ricibi e adultonan mayor, uno na Piedra Plat y e otro na Soledad y den e lunanan cu ta sigui, lo bay na habri di tres y di cuater Pasa dia pa Adulto mayor den famia conforme cu ricibi e apoyo di gobierno di Aruba via Ouderenzaken.

  Pa inscribi por pasa personalmente na e ofesina principal situa na Piedra Plat # 50, entre 10’or di mainta pa 5’or di atardi.

   E pasadia ta habri for dialuna pa diabierna di 8’or pa 2’or di merdia, e adulto mayor por scohe cuanto biaha pa siman e kier bin. E programa di siman lo ta hopi varia cu diferente actividadnan, den e posibilidad di cada adulto mayor. E pasadia ta inclui desayuno y lunch.

   Pa mas informacion por tuma contacto na 585-5544 of 699-5545 dentro di e horario di ofcina y por e-mail tambe na: This email address is being protected from spambots. You need JavaScript enabled to view it.

   Fundacion Centro Famia Piedra Plat ta traha ariba un base comunitario pa e famia completo riba terenonan educativo y social pa comunidad di Aruba sin fin di lucro.